Пејачката која предизвикува различни реакции со своето однесување и облекување, е лицето кое ја краси провокативната насловна страница на списанието Elle за мај. Во жолт костим посипан со нитни кој го потпишува Версаче и со осветлена коса 24 годишната девојка од Барбадос прозбори за раскинувањето со насилниот дечко Крис Браун, пронаоѓањето на совршениот маж и деца.

Зафатена со позирањето на премиерите на својот филмски првенец Battleship во кој глуми хероина која се бори против злото во маскирано одело, Ријана пронајде време за да му позира на фотографот Том Мунро и својот карактер го покажа и на насловната на списанието Elle.

Во жолт костим со потпис на Версаче и овална огрлица и нараквици од дизајнерот Дејвид Јурман, Ријана со провокативната поза внесе немир во секогаш мирната насловна на списанието.

Во интервјуто откри дека по бруталниот напад кој го доживеала во 2009 од тогашниот дечко Крис Браун почувствувала ослободување.

„Кога се случи тоа, помислив да го е**м, сега сите ќе знаат, а тоа е толку понижувачки. Но, сфатив дека тоа беше моето отварање, мојот момент на ослободување“, рече пејачката.

Ријана се сврте и на озборувањата за смирувањето со насилниот поранешен партнер и заклучи дека секој има свое мислење за тоа, а луѓето за неа и нејзините постапки се расправаат на разни блогови.

„На крајот јас ќе бидам тоа што сум и ќе го правам токму тоа што јас го сакам“, беше јасна Ри-Ри.

На прашањето за деца рече дека Бог еден ден сигурно ќе и даде до знаење дека е време за нејзиниот мал ангел, но прво мора да пронајде маж затоа што тоа е најважното парче кое недостига.