Матурската вечер, за многу девојки е повод кога веројатно за прв пат имаат одврзани раце во однос на свечениот стил, сакајќи да заблескаат пред да влезат во светот на возрасните. Тогаш тешко која од мајките ќе може да влијае врз модниот избор на своето девојче. Од тие причини, во неколку училишта во САД издадени се прирачници за правилно облекување на матурантите...

Изборот на матурски фустан е посебно доживување за секоја девојка, бидејќи конечно ќе биде ѕвезда на вечерта која ќе оди на фризер, и која после големо и внимателно истражување низ продавниците конечно ќе ја избере својата свечена тоалета.

Во тие моменти дозволени се и некои "повозрасни" и гламурозни креации, кое внимателно се чуваат а можеби и ќе се пренесат на следната генерација.

Желбата да се биде атрактивна и впечатлива најчесто е водена од креациите кои девојќите ги гледаат на црвениот тепих, односно од секси моделите кои се подготвени повеќе да покажат отколку да сокријат.

Таквиот замав што го завземаат се попровокативните фустани ги потикна училиштата во САД да издадат прирачници за правилно облекување на матурантите .Во нив се наведени примери за неприфатливи и  непожелни креации, чија што должина и модел се дозволени откако матурантите ќе станат полнолетни.

Како непримерни се сметаат моделите чија што должина е пократка од 7,5 см на колениците, нагласено деколте, разголениот грб. Грбот не мора да биде  затворен, но не смее да биде разголен целосно.

Не се толерира гол стомак, ниту пак фустани кои се премногу отворени во горниот дел и откриваат голем дел од градите.

Со оваа постапка, професорите ја даваат својата последна лекција на девојќите, кои наскоро ќе бидат вработени жени или студенти, за да станат млади и пристојни дами.