Откако заврши со долгогодишното снимање на серијалот филмови за Хари Потер, Ема Вотсон одлучи да направи голема промена во животот и си ја проба среќата во улога на дизајнерка што не и тргна од рака.

Ема Вотсон за краток временски период направи многу значајни промени во животот. Освен што го промени имиџот, актерката стара 21 година одлучи да се фрли во дизајнерските води, но за жал тоа не и тргна од рака.

Ема во соработка со брендот People Tree претстави колекција за млади која сама ја дизајнирала, но и покрај големата желба и преданоста на работата, потфатот доживеа голем неуспех што многу ја погоди младата актерка.

„Ема беше многу разочарана, и покрај обидот со ниски цени да се привлечат купувачите, облеката остана на полиците па така нејзиниот сон сепак мора да почека, а Ема ќе се посвети на факултетот“, открива извор близок на актерката.

Но, пред Ема е голем пат преполн со подеми и падови, а со оглед на нејзината голема амбиција како и желбата за создавање веруваме дека за популарната Британка уште многу ќе се пишува.