Ако сте во потрага по промена, побарајте инспирација во овие предлози за тренди фризури за долга коса...

Не мора секогаш да им се препуштите на рацете на професионалците за да си поиграте со прамените на својата долга коса. Можете и сами да користите пегла за исправување или виклери за гламурозни кадрици.

Рамни шишки

Направете си рамни шишки ако сакате да се издвоите во толпата и да добиете елегантен и софистициран изглед. Поиграјте си и направете впечаток на совршено пропорционално лице. Со шишки под веѓите ќе добиете мистериозен, а со оние над – разигран и младешки изглед.

Благо навиткана коса

Секси фризура која изгледа по малку неуредно може да добиете со помош на средство за зацврстување кое ќе го нанесете на косата од коренот кон долу, но не на врвовите. Потоа впуштете се во експериментирање со четки, виклери, фен, зависно од тоа што најмногу и одговара на текстурата на вашата коса.

Гламурозни локни

Со вакви локни ќе постигнете изглед на фатална заводничка. Испробајте ретро или модерна верзија на оваа фризура. Користете керамичко фигаро за да добиете волумен. Претходно на косата нанесете малку пена за зацврстување.