Откако го освои музичкиот свет, Ријана реши да си ја проба среќата во филмските води. Во својот филмски првенец Battleship отелотвори акциона хероина во борба против вонземјанци.

Најпознатата ѕвезда од Барбадос тргна по стапките на Мадона, Бијонсе, Бритни Спирс и Џенифер Хадсон и ја покажа својата склоност кон глумењето и светот на филмот.

Ријана не се одлучи за романтична комедија или тешка драма, туку за авантуристичката акција Battleship каде ќе ја видиме во маскиран костим додека како хероина се бори против силите на злото.

На промоцијата на филмот во Лондон се појави во фустан со маслинеста боја од пред-есенската колекција на Alexander Wang.

Нејзината склоност кон предизвикувачка облека е многу позната, но овој пат ја „зауздала“ и со своето нежно лице на невина девојка и држење на вистинска млада дама даде слика на ѕвезда која ја освежи заситената од секс сцена на шоу бизнисот.