Колекцијата „Модерно кимоно“ на Јотаро Саито е претставена на Модната недела во Токио, а креаторот се надева дека оваа традиционална јапонска облека ќе стане „потренди“ меѓу младите купувачи.

„Секое кимоно е различно, но се гледа допирот на Јотаро Саито“, вели една од гостинките на Модната недела. „За време на ревијата видев многу од нив кои би можела да ги носам. Отидов на неговата изложба и таму имаше облека за секој, дури и за оние кои не се многу високи.“

Чихару Нозаки се согласува со неа: „Го обожавам традиционалното кимоно, но за да го носам секој ден мора да биде посебно. Поради тоа ги сакам делата на Јотаро Саито - затоа што се иновативни“, објаснува таа.

Нозаки вели дека моделите на Саито не се ни слични на класичното кимоно, туку се иновативни и интересни.

„Тој прави кимоно со шари или туфни и тоа се прекрасни парчиња облека која може да ја носи секоја девојка без проблем“, смета Михару Инаба која со останатите со воодушевување ја следеше ревијата на Јотаро Саито во Токио.