Австралиската актерка, која се згрозува од пластични операции, гордо ги покажа брчките на насловната страница на списанието Intelligent Life.

Да, и тоа е можно! Холивудската дива Кејт Бланшет (42) заблеска на насловната страница на маровско-априлскиот број на списанието Intelligent Life - и тоа без фотошоп, и докажа дека жената може да изгледа преубаво и со сите свои несовршености и брчки.

Обично облечена, со минимално шминка и лежерна фризура, Кејт опуштено позирала пред Стив Форест и гордо ги покажа своите брчки не криејќи се зад „инстантното компјутерско подмладување“. И одлично и стојат - порачувајќи им на сите жени дека треба достоинствено да се носат со стареењето.

„Веќе повеќе декади се повеќе луѓе се подложуваат на пластични операции, но друи сега луѓето сфаќаат дека долгорочно тоа не е толку одлично. Згрозена сум од 20 годишните девојки кои одат ‘под нож’ и не ми се восхитувам, туку ги жалам. Не можам на другите жени да им зборувам што е добро за нив, а што не е. Јас знам што ми одговара мене, а тоа дефинитивно не се пластичните операции“, го искажала актерката својот став.

Иако во меѓувреме снимила и насловна страница за априлскиот број на британскиот Harper's Bazaar на која нема ниту една брчка, таа сепак повеќе си се допаѓа „несовршена“, која и покрај годините и брчките изгледа неверојатно секси.