Веќе знаеме дека за појавата на брчките, покрај генетиката и природното стареење на кожата, се заслужни и сонцето, мрштењето и дехидрираноста, но сигурно не сте знаеле дека на создавањето на брчки влијае и - џвакањето на гума за џвакање.

Угледниот американски дерматолог Џенет Ву, вели дека освен класичните предизвикувачи, на појавата на брчки влијаат уште неколку работи кои редовно ги правиме, како што се спиење на едната страна на лицето и пиење на пијалоци со цевка, а на тоа го додала и постојаното џвакање на гума за џвакање, како еден од големите предизвикувачи на овие немирни црти на лицето.

Како што тврди Џенет, секојдневното џвакање доведува до претерано мрштење и предизвикува брчки околу и над усните, но и паѓање на тонусот на мускулите околу устата, кој е тешко да се подигне.

Девојки, слушнавте! Ако сте зависни од гуми за џвакање, време е да се ослободите од оваа бескорисна навика и така подолго да го зачувате вашето лице младо.