Дека војвотката Кетрин Миделтон не и дава шанса само на високата мода и на најпопуларните комерцијални ланци, туку и на непознати идни дизајнери покажа и со распишувањето на натпревар на кој победи студентка од универзитетот во Лестер.

На натпреварот распишан за избор на чевли кои ќе ги носи војвотката Кетрин Миделтон, победила дваесетгодишната Бека Хант од универзитетот во Лестер.

„Тотално сум надвор од себе. Бојата на чевлите е инспирирана од вереничкиот прстен на војвотката“, изјави среќната студентка.

Нејзиниот дизајн украсен со цветни апликации во беж боја победи меѓу 6 пријавени скици, а чевлите на популарната сопруга на принцот Вилијам ќе и бидат предадени во блиска иднина.

Моделот на младата дизајнерка наскоро ќе стане многу баран, баш како и секое парче облека и чевли во кои ќе се појави во јавноста војвотката Кетрин.