Италијанската кино ѕвезда Моника Белучи создаде линија на кармини за "Долче и Габана", соопштуваат британските медиуми...

47 годишната Белучи е долгогодишна пријателка на дизајнерското дуо, кое покажа лојалност и восхит кон италијанската убавица, откако создадоа линија на кармин во чест на нејзините усни.

Линијата Monica Lipstick Collection оддава чест на "нејзиниот извонреден магнетизам", соопшти модната куќа во соопштението.

"Со нејзините познати усни, беспрекорен тен, изразени очи, таа емитува иронија, мистерија и шарм кои ги одразуваат суштината на жената на Долче и Габана", објави модната куќа во сооштението.

Белучи која е позната по својата сензуалност и раскошна форма, позираше и за рекламната кампања на пролетната колекција на италијанските дизајнери. Изборот на Моника за лице на козметичката линија им изгледа природно, кога се има популарноста и сликата на секс симбол во Италија.

"Работевме со Моника многу пати во последните 20 години. Нејзината убавина е несовладлива со времето", вели Доменико Долче.

"Таа одлично ја изразува жената на Долче и Габана, таа е шармантна, вистинска италијанска икона", додава Стефано Габана.

"Среќна сум од работата со Доменико и Стефано за линијата. Отсекогаш сум ја обожавала естетиката на Долче и Габана и многу возбудливо е да учествувам во творечкиот процес", изјави Белучи.