Ангелите на Victoria's Secret и официјално добија ново лице кое ќе ја замени познатата манекенка Алесандра Амбросио.

Бразилската бомба Алесандра Амбросио наскоро оди на породилно боледување затоа што го чека второто дете, а атрактивната Катарина Ивановска е нејзина замена.

24 годишната Катерина бележи работни успеси откако победи на едно македонско натпреварување за убавина. Се појави на насловните страници на многу светски модни списанија, а договорот со познатиот бренд Victoria's Secret го потпиша минатата година.

„По четири години вредно работење и одење на кастинзи, мислам дека на луѓето од Victoria's Secret им здодеа постојано да ме одбиваат, па на крајот ме ангажираа. Првиот пат направив едиторијал за нивниот каталог со долна облека. За среќа, оставив добар впечаток, па направив уште еден“, кажа Катарина за македонските медиуми.

Освен со манекенство, таа се занимава и со глума. Ја имаше главната улога во македонскиот филм „Трето полувреме“ во кој партнер и беше Раде Шербеџија.