Актерката Софија Вергара неодамна ја откри тајната на својот изглед.

Убавата Софија изјави дека не верува во диети и чудни начини на исхрана, туку дека тајната на нејзината линија е во умереноста. „Се умерено, ни премногу храна, ни премногу вежбање... ништо премногу не е мој метод“, рече оваа убавица.

Софија сепак е строга кога се работи за една работа. „Секогаш носам крема за заштита од сонце и побожно слушам се што ми кажува мојот дерматолог. Тоа помага при ублажување на процесот на стареење, но тоа е се што се однесува до тајната на мојот изглед“.

Вергара е позната по својата улога во серијата Modern Family. Го отелотворува ликот на Глорија, благодарение на кој е номинирана за Златен глобус, Еми награда и награда за најдобра хумористична актерка.

Значи, не се работи само за жена со феноменален изглед, туку и за талентирана актерка. Каков совршен спој!