Креаторката Вера Венг, позната по венчаници, решила да дизајнира и машка колекција, и да започне своја козметичка линија.

Вера Венг потпишала ексклузивен договор со модната куќа Men's Wearhouse, за заедничка изработка на смокинг. Повеќе детали не се познати, освен тоа дека колекцијата ќе биде лансирана под името на Вера Венг.

Освен тоа, креаторката планира во соработката со козметичката куќа Kohl's да лансира линија на препарати за бањање, нега на телото и косата, но и шминка.

„На жените ќе им го понудам мојот личен режим за нега на коса, кој е лесен и модерен“, рече Вера Венг во врска со почетокот на работата на сопствена козметичка линија.