Колекцијата „Девојката со тетоважа на змеј“ е мрачна и кул баш како и Лисбет Саландер.

Зимската колекција „Девојката со тетоважа на змеј“ инспирирана е од истоимениот филм и неговата главна хероина, Лисбет Саландер. Колекцијата настанала во соработка со креаторката Триш Самервил, а наменета е за девојките кои не ги интересираат модни трендови и лелеави фустанчиња, туку „фураат сопствен филм“.

Оваа колекција настанала како своевиден одговор на колекцијата која H&M ја направил во соработка со модните куќи какви што се Ланвин и Весаче, за и девојките кои не сакаат сјај и гламур да најдат нешто за себе. Линијата „Девојката со тетоважа на змеј“ полна е со памучни маички со капи, кожени јакни и панталони, тексас елеци, а овде се и сокинатите маички кои даваат „опасен изглед“.