Дека модните креатори мака мачат своите идеи да ги заштитат од фалсификатори одамна е познато, но сега почнаа да им крадат и готови модели.

Американскиот дизајнер Марк Џејкобс бил принуден да го откаже претставувањето на својата колекција пролет/лето 2012 во Лондон откако истата му е украдена за време на транспорт од Париз.

„Нашиот ден за новинари во изработка на Марк Џејкобс е откажан поради крадење на колекцијата пролет/лето 2012 за време на пат од Париз кон Лондон“, наведе претставникот на Џејкобс за медиумите.

Од лондонската полиција вчера е потврдено дека случајот е под истрага.

„Кражбата е пријавена во полицијата откако поголемиот дел облека, чанти и чевли во вредност од 46.800 и 63.000 евра исчезнаа“, рече портпаролот на полицијата.

Колекцијата исчезнала од колата за испорачка која се наоѓала пред работилницата на Џејкобс во Лондон.

Гардероба, чанти и чевли, кои се транспортирани со воз од Париз кон Лондон имаат мала вредност на улицата затоа што се само примероци за следната сезона.

Оваа кражба е уште еден удар за Џејкобс, чија реклама за парфем со актерката Дакота Фенинг неодамна е забранета во Британија поради обвинение дека „сексуализира дете“, со оглед на тоа дека актерката има само 17 години.