Чоколадото станува се повеќе популарна состојка на многу козметички производи...

Toa има висока содржина на витамин Б, калиум, магнезиум, цинк и калциум. Црното чоколадо содржи многу железо. Во составот влегуваат уште моќни антиоксиданти кои се спротиставуваат на слободните радикали предизвикани од штетното дејство на сонцето и животната средина.

Според експертите чоколадото содржи два пати повеќе антиоксиданти од црвено вино и зелен чај. Овие антиоксиданти наречени флавоноиди, го балансираат крвниот притисок и ја подобруваат работата на срцето.

Експертите се категорични дека антиоксидантите го забавуваат процесот на стереење.

Маските со чоколадо се исклучително пријатни како чувство и истовремено се многу корисни за кожата. Маслото од какао го омекнува и хидратира телото. Пред да ја нанесете, треба да исчистите внимателно кожата и да го стопите чоколадото во вода на 40 степени.

По нанесување на чоколадната маска, намачканите места се покриваат со фолија. За да биде вистински ефикасна, маската треба да стои барем 90 минути. Резултатот е мека, навлажнета која изгледа прекрасно.

Можете да направите слична постапка и на лицето. За таа цел прво ставете кислороден крем, по што се става чоколадната маска и конечно пластична фолија, за да ја задржите маската на лицето. Маската треба да стои околу час и половина. За тоа време ќе добиете сјајна и здрава кожа.

Чоколадна терапија се применува и за сјајна коса. Таа е најпогодна за бринетите. Денес некои спа салони дури нудат чоколаден педикир за нокти.