Иако релативно нова во Холивуд, актерката со бугарско потекло успеа да изгради сопствен моден стил кој ја прави уникатна...

Иако Нина Добрев се појави пред околу две години на попопуларната сцена во Холивуд во улогата на Елена Гилберт во една од најпопуларните серии што се прикажуваат во моментот, The Vampire Diaries, таа веќе разви сопствен зрел изглед што ја прави една од модните икони.

Таа претпочита да носи не повеќе од две бои на себе, кои понекогаш се сосема обични, но совршено одговараат на нејзиниот тен. Најмногу сака обични фустани, не многу натрупани. Ретко може да ја видиме во облека што многу открива, меѓутоа секогаш е украсена со слатки мали модни додатоци кои нејзините костими ги прават уште позабавни.

А освен тоа, секогаш ги избира вистинските чевли кои совршено одговараат со фустанот.