Се уште уживаме во јадранки и сандали со кои полесно ги поднесуваме високите температури, но тешко е да се одолее на излозите кои се преполни со облека за есен и зима. За око најпрво ни се закачуваат чевлите. Еве што враќа во мода оваа сезона...

Пред да се фрлите на првиот есенски шопинг, затоа што ништо не ви се фаќа од тоа што сте го носеле минатата сезона, прво погледнете во ормарите на мајка ви или баба ви. Лесно би можело да се случи таму да го најдете токму моделот на чевли по кој копнежливо сте гледале во излогот.

Оваа сезона ќе носиме мокасини, рамни чевли со машки крој и чевли со малку подебели потпетици кои ќе го олеснат шеткањето по градот.

Секако, добредојдениот тренд кој се враќа на големата врата се рамните чевли со машки модел. Љубителите на спортската и лесна облека одлично ќе ги комбинираат и во нив без проблем ќе ги извршуваат дневните задачи.

И љубителите на високи потпетици оваа есен полесно ќе претрчуваат до трамвајските станици и ќе брзат на почетокот на предавањето или бизнис состанокот кој излегол неочекувано. Во мода се чевли со подебела и постабилна потпетица.

Балеринките добија засилување во облик на мокасин кој ќе го најдете во разни бои, а одлично стојат со сукни и поднесуваат дожд и мокар асфалт многу подобро од омилените женски рамни чевли - балеринките.