Чевли со необичен дизајн кои ги потпишува Kobi Levi создадени се за храбри зависнички од модата кои сакаат да бидат забележани. Последни во низата необични чевли кои го виделе светлото на денот, се црната и белата верзија на шолји за кафе...

Чевлите се изработени од кожа и дрво, а дврената пета изгледа како кафе што тече од шолја. Дизјанерот, кој има 36 години, како инспирација за своите модели користи се, од работи кои секојдневно ги употребуваме, до познати личности.

Израелскиот дизајнер своите модели ги изработува рачно, а понекогаш му се потребни и недели за да создаде едно вистинско ремек-дело кое може да се носи.

„Не сакам моите чевли да бидат само скулптури, тие морат да можат да се носат“, рече Levi кој нагласува дека дехниката на изработка е навистина напорна, но тој ужива во тоа.

Првите чевли кои ги изработил биле инспирирани од облините на холивудската дива, Мерлин Монро.