„Ако ги запрашаш грчките книжевници, зборувајќи: Кој ви ги создал буквите, или ви ги превел книгите, или во кое време? - ретко од нив тоа го знаат...
Но ако ги запрашаш словенските книжевници, зборувајќи: Кој ви ја создал азбуката и ви ги превел книгите? - сите знаат и ќе одговорат: Св. Константин филозоф наречен Кирил, тој ни ја создаде азбуката и ни ги преведе книгите и брат му Методија“.
Овој краток документарен филм кој што е дел од циклусот наречен „Македонија духовно и културно јадро на европската цивилизација“, ни говори за сесловенските просветители, солунските браќа св. Кирил и св. Методија, основоположниците и втемелувачите на словенската писменост, култура и литература. Ни говори за историските прилики кога ти се појавиле, нивната мисионерска дејност и создавањето на словенската азбука.
Автор: Митко Грковски
