Нашата земја во јануари оваа година во најголем број ја посетиле Грци, Албанци, Срби, велат податоците на македонскиот Државен завод за статистика.

Според податоците на Заводот, од Грција имало 3.417 туристи, кои оствариле 5.550 ноќевања. Од Албанија имало 2.210 туристи со 3.611 ноќевања, а од Србија 1.513 туристи со 2.299 остварени ноќевања.

Во јануари Македонија вкупно ја посетиле 31.764 туристи што е за 1,2% повеќе во однос на месецот порано.

Регистрирани се и 66.984 ноќевања, што е за 5,9% повеќе во однос на декември минатата година.