Немојте да бидете премногу поласкани ако флертува со вас на работно место - веројатно го прави тоа од чиста досада...

Припадничките на понежниот пол може да го сфатат како комплимент кога некој колега им се насмевнува на работно место или доаѓа да поразговара со нив кога ќе најде простор за да го стори тоа.

Но, изгледа дека мажите кои флертуваат на работно место го прават тоа не затоа што ја наоѓаат колешката за привлечна, туку затоа што едноставно им е здодевно.

Истражувачите од универзитетот во Сари испрашале повеќе од 200 мажи и жени помеѓу 21 и 68 години за тоа дали флертуваат на работно место, а исто така ги прашале прашања од приватна природа, колку се задоволни од работата и колку тешка им е работата.

Резултатот открил јасна разлика меѓу половите.

Жените кои флертувале биле исто толку среќни со својата работа како и оние кои ги држеле врските на стого професионално ниво. Меѓутоа, машките флертувачи имале тенденција да бидат помалку задоволни со својата положба.

Претходни истражувања покажале дека луѓето флертуваат од најразлични причини, меѓу кои и хранење на егото, забава и романтика. Ако мажите се чувствуваат незадоволни со својата улога, тие може да почнат да флертуваат за да се забават.

Иако флертувањето има предности, претераното флертување на работа може да биде знак дека мажот не е задоволен од својата работа или едноставно му е премногу здодевно тоа што го прави.