Нова студија откри дека всушност партнерите се привлечени од индивидуи од слична „лига“ и со ист степен на посакуваност...
Кога доаѓа до љубов, не постојат цврсти и утврдени правила иако многу луѓе ја следат старомодната теорија дека спротивностите се привлекуваат.
Но, сега нова студија откри дека тоа не е баш точно, туку дека повеќе се привлекуваат сличностите.
Истражувачи од Беркели откриле дека луѓето се привлечени од потенцијално романтични партнери ако тие се од нивна или слична лига и посакуваност, што тие ја нарекуваат „хипотеза на спојување“.
Се разбира, личните особини и заедничките интереси играат улога, но за првобитната привлечност, сличното си се привлекува со сличното, ставајќи невидлив акцент на фразата „Не си во мојата лига“.
За нивното истражување, авторите на студијата се свртеле - како и повеќето самци во денешно време - кон страниците за online dating (онлајн состанување).
Тие ја измеририле популарноста на повеќе од 3.000 хетеросексуални корисници на страницата и ја погледнале популарноста на секој поедничено.
Популарноста била дефинирна од бројот на индивидуи од спротивниот пол кои испратиле пораки до тој корисник.
Анализите индицирале дека повеќе популарните корисниции контактирале исто така популарни корисници во поголем број отколку што бил очекуван.
Слично, помалку популарните корисници на страницата исто така контактирале корисници со помала популарност.
Истражувачите тогаш ја спровеле истата студија на повеќе од милиони корисници и го добиле истиот резултат - кога станува збор за илегување, потенцијалните партнери се држат до некој од нивна лига.
Авторите отркиле дека индивидуите бараат партнери кои ќе бидат достојни за нив и чии социјални посакувања ќе бидар речиси на исто ниво како и нивните.
Користејќи го погоре опишаниот метод, авторите нашле доказ за привлечноста која е базирана на самовреднувањето и сопствената физичка привлечност која се бара и во потенцијалниот партнер.
Најгрубо кажано, непосакувани индивидуи избираат исто така непосакувани индивидуи за партнери, и обратно.
