Aко сакате да знаете дали еден маж заслужува доверба, погледнете го внимателно во лицето...

Мажите со широки лица се неискрени и склони да изневеруваат, додека мажите со издолжени лица најверојатно ќе бидат искрени и отворени, покажува истражувањето на американските научници.

Тоа значи дека ѕвездите како Дејвид Тенант и Хју Лори заслужуваат поголема доверба од Џек Николсон и Вејн Руни.

Иако откритието потсетува на френологијата - викторијанското верување дека карактеристиките на една личност се откриваат по обликот на главата, научниците тврдат дека тоа се базира на два научни експерименти.

"Ние докажавме дека мажите со широки лица се чувствуваат моќни и тоа чувство на сила директно резултира со неетичко однесување, вклучувајќи лаги и изневерувања", објавил авторот на истражувањето Мајкл Хејзлхон од универзитетот во Висконсин.

Научниците направиле експеримент . Во експериментот 192 студенти по бизнис администрација биле замолени да учествуваат во играње игра. Во парови тие требало да влезат во улогата на продавач на куќа, кој би се согласил да го продаде својот дом, на купувач кој сака да го претвори домот во хотел.

За време на играта, паровите воделе преговори со емајли до склучувањето на зделката. Мажите со широки лица лажеле повеќе за своите намери, од мажите со издолжени лица.

Но односот помеѓу ширината и издолженоста на лицето за жените не покажува никаква разлика.