Популарните љубовни романи се невидлива но моќна закана за сексуалното и емоционалното здравје на жените, бидејќи не се залагаат за безбеден секс, сметаат експерти од Британија...

Згоден дечко запознава убава девојка, тисе се вљубуваат, нивната љубов се соочува со неколку проблеми, но на крајот нивниот однос е запелатен со бакнеж или секс.

Овие приказни се срцето на романтичните романи, жарн кој постои уште од средината на 18 век и сега се продаваат во милиони копии, без оглед на критиките која им ја успорува литературната вредност, а сега и тоа дека таквата литература не се залага за безбеден секс.

"Ако читателите почнат да веруваат во приказната која ја нуди романтичната фикција тогаш можат да имаат многу проблеми", изјавила советничка за парови и авторка на студијата за љубовни романи, Сузан Квилијам.

"Понекогаш најдоброто нешто кое можеме да го направиме за нашите клиенти, е да им кажеме да се свртат кон реалноста", додала Квилијам во текст кој го напишала за еден познат журнал.

Според нејзините зборови, неодамнешните студии покажале дека само 11.5% од романите споменуваат употреба на кондоми.

"Во поголемиот дел од тие романи, хероината ја отфрлува таа идеја, бидејќи не сака бариера помеѓу неа и херојот", додале Квилијам.

Дури и малку поексплицитните верзии на овие романи се неодговорни во врска со сексуалното здравје на жените. Повеќето од нив, навела Квилијам, ќе завршат така што "хероината ќе го спаси главниот хунак од опасност и тогаш таа ќе се изгуби во радоста од животот полн со оргазми и бескрајна серија на лесно забременување, кое ќе го зацементира нивниот брак".

"Сакаме жените да бидат свесни за своите желби, а не некој да ги научи на тоа. Нашата цел е на нашите клиенти да им објасниме дека првиот пат можеби нема да бидат толку радосни и дека можеби нема да можат да постигнуваат серија на оргазми", рекла таа.