Сексот е веројатно единствената физичка активност која не ја оставаме за следниот понеделник или за почетокот на следниот месец. Но, за да доживеете експлозија од страсти со најголем интензитет, ќе ви помогнат некои веќе познати вежби за зголемување на силата и издржливоста. Ако костимот за капење не ви е доволен мотив за вежбање, интимните кулминации сигурно ќе ви бидат...

Личностите кои редовно вежбаат се поздрави, поподготвени и имаат привлечни тела. На некои ова им е доволна мотиваџија во својата торба да спакуваат спортска облека и неизбежно шише со вода и да тргнат на порција потење во блиската теретана. Но, ако вие не сте едни од тие, можеби ветувањето за подобри перформани во сексуалната акција ќе бидат пресуден поттик за потење на справите кои гарантираат поцврсто и поиздржливо тело.

Склекови

Склековите ги зацврстуваат рацете, рамењата и стомачните мускули. Силните раце се многу важни за време на сексот, посебно ако за време на чинот жената е од долу, а мажот од горе.

Клекнувања

Со изведбата на клекнувањето се активираат бројни мускули што доведува до создавање на поголеми количини хормони, а тоа го зголемува вашиот сексуален нагон. Клекнувањата ја зголемуваат силата и издржливоста на глутеалниот мускул што резултира со поцврст задник.

Кардиоваскуларни вежби

Без разлика дали се работи за аеробик, трчање или пливање, кардиоваскуларните вежби допринесуваат во подобрувањето на циркулацијата. ТИе сито така доведуваат до лачење на ендорфин во мозокот, познат како „хормон на среќата“.

Кегелови вежби

Кегеловите вежби навистина можат да донесат позитивни промени во вашиот сексуален живот. Со зајакнување на пубококсигеалниот мускул се зголемува циркулацијата на крвта во телото, што го зголемува стимулирачкото чувство за време на сексот и ги прави поинтензивни контракциите за време на оргазмот.