Бакнежите и ласкањата се поважни за една долготрајна врска за мажите, отколку за жените, покажа истражување на тим од универзитетот на државата Индијана...

Изненадувачки, мажите со долги врски се чувствувале посреќни од другите, а жените во истата категорија - задоволени од сексуалниот живот. За мажите на просечна возраст најважното нешто било да се во добро здравје и да знаат дека понежната половина доживува оргазам со нив.

И уште едно изненадување - честите бакнежи и ласкања се покажале од суштинско значење за постарите претставници на посилниот пол, но не и за понежниот. Истражувачкиот тим предводен од Џулија Хаиме, анкетирал 1000 двојки со најмалку 25 години семеен живот од САД, Бразил, Германија, Јапонија и Шпанија.

Тие биле на возраст помеѓу 40 и 70 години, а од секоја страна биле тестирани по 200 парови. Учесниците во истражувањето морале да одговорат на детални прашалници за личниот живот.

Колку повеќе време поминале заедно, толку посреќни се чувствувале партнерите. Жените, кои биле заедно со своите половини помалку од 15 години, се покажале помалку исполнети во сексуален поглед. Но по 15 годишната граница, радоста од сексот драстично се зголемила.