Брзиот начин на живот за двајцата партнери може да биде многу стресен, а стресот најмногу се одразува на врската или бракот. Ако сте вие еден од паровите кои полека запаѓаат во монотонијата на животот, време е да превземете нешто. Ако сакате да направите мини промени за кои не ви е потребно многу време ниту напор, испробајте ги овие жешки трикови кои повторно ќе ја разбудат вашата врска...

1. Праќајте SMS пораки

Со обѕир на брзиот ден кој е пред вас, додека седите во канцеларита напишете му на партнерот кратка SMS порака секогаш кога ќе се сетите на него/неа. Тоа не мора да биде писмо, туку неколку зборови како „Те сакам“ или „Ми недостигаш“ кои вам и на вашиот партнер ќе ви го разубават работниот ден.

2. Секс било каде само не во креветот

Поразувачките статистички податоци зборуваат дека се повеќе млади парови водат љубов само еднаш неделно и тоа пред спиење. Направете мала, но многу значајна промена. Водете љубов било каде, само не во креветот. Тоа повторно ќе ги распламти страстите, а со самото тоа ќе ве натера малку повеќе да размислувате за сексот кој е многу важен и добар за стабилен брак или врска.

3. Менувајте ги позите

И позите се многу важен сегмент за добар и страствен секс. Барем на одредено време заборавете на вообичаениот начин на водење љубов и испробајте некои нови пози. Тоа не мораат да бидат акробации, туку доволна е промена која ќе ја разбие монотонијата.

4. Бидете „оној“ пар во ресторанот

Бидете и вие „оној“ пар во ресторанот кои со бакнување и галење на сите им оди на нерви. Малите знакови на внимание во јавности како бакнеж и прегратка можат да бидат многу симпатични. Исто така, таквите гестови значат дека се уште се грижите за партнерот и дека не се срамите тоа да го поделите со цел свет.

5. Заборавете на правилата

Кога двајца живеат под ист покрив, почнуваат да создаваат свои правила, односно дневни рутини кои кога се прекршуваат поттикнуваат расправии. Барем на некое време заборавете на тоа како вашиот партнер ја држи шолјата за кафе или каде ја оставил чинијата и уживајте во ден без оптеретувања.

6. Подарувајте бакнежи

Бакнежот, како и физичките допири, се многу важен сегмент од врската и затоа не заборавајте да ги поделите. Обидете се да ги вратите старите навики и подарете му на партнерот бакнеж за добра ноќ или добро утро. Тоа ќе му покаже дека се уште се грижите за него/неа.