Веројатно сте во права. Машкиот мозок не е "дизајниран" така да ги прима женските гласови...

Сигурно понекогаш може да се случи да горите од желба нешто да споделите со партнерот, едвај чекате да дојдете дома од работа да му кажете што ве снашло тој ден, и тогаш кога конечно "разврзете" со приказната, сваќате дека тој не ги следел ниту првите три реченици.

Иако таквата ситуација сигурно ви оди на нерви, вашио партнер не е виновен. Природата во овој случај зборува во негова одбрана. Значи, што е тоа што мажите просто ги натерува да се "исклучат" уште пред девојката да го заврши воведот на приказната?

Резултатите од неодамна спроведената студија објавена во списанието NeuroImage нуди објаснување. Научниците откриле дека начинот на машкиот и женскиот мозок процесираат човечки глас постојат значајни разлики. Кои мозочни региони се активираат кај мажите зависи од тоа дали слушаат машки или женски глас.

Се докажало дека вибрациите и бројот на звучни бранови на женскиот глас им отежнуваат на мажите да го дешифрираат она што им се зборува. Кога ги обработуваат пораките кои ги изговара жената, во мозокот на мажите се активира регионот задолжен за прием и обработка на сложени аудитивни пораки, оној кој се активира кога слушаме музика. Од друга страна, кога се обработува машки глас, регионот кој се активира е задолжен за едноставни звуци, пренесува порталот Shine.

Значи кога следен пат ќе имате впечаток дека не ве слуша, најверојатно ќе бидете во право, но не се лутете, затоа што очигледно не е тој виновен. Ако се прашувате дали има лек за тоа, веројатно не. Можеби да зборувате малку побавно и брзо да преминете на поентата.