Без разлика дали лагите се дозволени или не, безопасни или непростиви, тие се секојдневни во љубовните врски. За женските лаги има спроведено бројни истражувања: колку лажат, зошто лажат и за што лажат. Една студија открила дека 95% од жените го лажат партнерот дека им се допаѓа подарокот кој го добиле, а меѓу честите лаги е и таа кога го уверуваат партнерот дека бил совршен во креветот...

Најинтересна статистика е онаа дека три четвртини од лажачките веруваат дека нивниот партнер никогаш не би им направил такво нешто ним. Ви ги донесуваме на преглед петте најчести женски лаги. Се разбира, невини лаги.

Сум била само со ххх мажи пред тебе!

Жените чувствуваат голем притисок од општеството и сакаат да имаат чисто „сексуално досие“, па често лажат за бројот на мажи со кои спиеле. Жените испрашани на детектор за лаги спиеле со двојно повеќе мажи од оние кои не се испрашани на детектор. Што зборува тоа?

Навистина не знам каде ти е омилената маичка!

Жените се колнат дека не ја виделе омилената маичка на партнерот и дека не ја фрлиле во ѓубрето... Можеби ја зборуваат вистината, а можеби не, во секој случај мажите никогаш нема да дознаат. Секоја жена знае дека понекоја интервенција во машката гардероба е потребна, посебно ако се работи за маици стари 20 години.

Драга пријателке, изгледаш божествено!

Студиите покажуваат дека жените сакаат да изгледаат поубаво од другите жени. Кога и велат на личноста дека изгледа прекрасно, всушност мислат дека тие изгледаат многу подобро. Во случај кога другата жена не претставува закана, молчат или „случајно“ поливаат пијалок по туѓиот фустан играјќи на картата на сопствената привлечност.

На пилули сум, драги, не грижи се за ништо!

Истражувањата покажуваат дека третина од жените (во случај ако нивниот партнер не сака деца) ги лажат партнерите за контрацепцијата за да остнат бремени. Студиите покажуваат дека петина од жените ги проверува мејловите на партнерот, додека десетина го следи самиот партнер за да видат каде одат нивните момци.

Јас не лажам, не изневерувам и не правам ништо погрешно!

Женските лаги посебно доаѓаат од израз кога жената го мами партнерот затоа што чувствува дека тој направил нешто погрешно (имал афера со друга жена, ја малтертирал и слично). Жените за лагата се чувствуваат помалку виновни кога нивната индискреција не е од емоционален карактер.