Затоа што се несигурни и имаат страв од зближување... и, понекогаш, затоа што сакаат да го завршат сексот...
Новите тврдења на научниците за вистинските причини поради кои жените глумат во креветот веројатно ќе бидат пречекани со нож од страна на понежниот пол: психолозите велат дека жените ги лажираат оргазмите за да ја прикријат сопствената несигурност и стравот од зближување.
Околу 60% од жените признаваат дека повремено глумат оргазам за време на однос или орален секс, но научниците велат дека тоа не го прават за да не ги повредат чувствата на партнерот, туку за да го прикријат сопствениот страв од потполно препуштање. Коренот на проблемот најчесто лежи во недостатокот на самодоверба, велат психолозите, а е поврзан и со фактот дека жените се несигурни поради начинот на кој нивното тело реагира за време на сексот.
„Тоа е последица од современиот начин на живот и идеализираната слика за секс која ја наметнуваат медиумите и популарната култура“, вели доктор Ерин Купер од Универзитетот Пенсилванија за LiveScience.
Таа спровела истражување во кое учествувале 366 жени на возраст од 18 до 32 години. Сите испитанички признале дека повремено глумат оргазам, а потоа од нив се очекувало да објаснат зошто го прават тоа, како и да опишат како се чувствуваат во врска со интимноста на сексуално и емотивно ниво.
Поголемиот број од испитаничките признале дека се спремни да одглумат оргазам за да ја прикријат сопствената несигурност, но некои од нив изјавиле дека се спремни на малку глума за да го „забрзат“ развојот на ситуацијата кога сакаат да го завршат сексот.
Интересно е што некои жени изјавиле дека оргазмот го глумат за нивниото сопствено доживување да биде подобро, а излегло дека жените од таа група се многу позадоволни со својот сексуален живот од останатите испитанички.
„Таа ‘стратегија’ не би требало да се доведува во прашање, затоа што очигледно во некои случаи одглумениот оргазам допринесува до позитивно сексуално искуство и самодоверба“, вели доктор Купер.
„Жените кои имаат проблеми емотивно да се отворат кон партнерот имаат проблем со постигање оргазам, но за тој проблем уште не се знае доволно. Факт е дека жените кои имаат таков проблем нема да му дозволат на партнерот да и се приближи на емотивен план, а тогаш како последица има и неможност за уживање во сексот.“
Подобрата комуникација, довербата меѓу партнерите и подготвеноста на искрен разговор за проблемите може да биде од голема помош во таквите случаи, порачуваат психолозите.
