За многу жени, мажени за мажи кои работат многу, недостатокот на интерес во спалната соба обично е голем проблем...

Научниците веќе имаат објаснување на прашањето со недостатокот на желба за секс - добриот ноќен сон.

Претходните истражувања покажале дека тестостеронот е од суштинско значење за здравјето и благосостојбата, како и за профилакса на остеопорозата. Новото истражување утврдува дека мажите со лош сон имаат значително пониски нивоа на тестостерон, што доведува до недостаток на сексуална желба.

Според експертите намалувањето на нивото на хормонот може да доведе до голем број на други негативни последици за младите мажи, вклучувајќи намалување на либидото и слаби репродуктивни квалитети.

Научниците од Универзитетот во Чикаго открија дека мажите кои добиваат помалку од пет часа сон на вечер за една недела или повеќе, имаат многу пониски нивоа на тестостерон, отколку оние кои се одмараат добро во текот на ноќта.

Нивното истражување објавено овој месец во списанието на Американската медицинска асоцијација, покажа дека нивото на хормонот се намалува до драстично до ниво, поблиску до она на некој 15 години постар.

Студијата покажа уште дека нивото на тестостерон се намалува значително, дури и по само една недела отстапување од сон. Пет часа спиење го намалуваат нивото на тестостерон со меѓу 10 и 15%.