Реченицата „да ме изневери, ќе го оставам уште истата секунда“ е дел од многу женски разговори за машко-женските односи во кои секогаш преовладува гордоста и самопочитувањето. Но, кога неверството вистински ќе се случи, сепак жените одлучуваат да простат и да останат со неверниот партнер...

Искуството со неверството денес веќе не е ништо невообичаено, ниту пак нешто поради што изневерената жена треба да се чувствува крива или одговорна за тоа. Но, токму вината и прашањата „што сум направила лошо?“ ќе го окупираат збунетото размислување на секоја жена чиј партнер направил прељуба.

Како вртолог низ главата ќе се мотаат и прашањата како: „Која е таа?“ „Зошто баш таа?“ „Колку пати се случило?“ „Зошто го сторил тоа?“, но нив ќе ги засени едно најважно прашање - „Зошто не бев доволна?“. Кога мажот ќе изневери, не се повредени само емоциите и довербата, туку тоа е непочитување кон жената како изневерена личност. Токму тоа е тоа што најдолго и најдлабоко боли.

Колку повеќе детали изнесе мажот - дури и да ги каже истите понизно и искрено - толку понецелосно, позбунето и полошо ќе се чувствува жената.

Чувството дека жената можела да направи нешто поинакво или подобро поради што мажот не би требало да го бара тоа што му недостасува надвор од нивната заедница постојано го надополнува неизбежното чувство на каење.

Но, мажите не изневеруваат поради жените со кои се во врска туку поради самите себе. Неверството е личен избор за кој мажот е свесен за ризикот и последиците кои тоа ги носи.

И не, таа не се случила така од никаде, таквата одлука или избор произлегол исклучиво од неговите желби и поставеноста на неговите приоритети.

Ова се 15-те причини поради кои жените го простуваат неверствотото:

1. Љубов
2. Финансиски причини
3. Практичност
4. Неподготвеност за одрекување од одреден начин на живот
5. Недокажаност на неверството
6. Децата
7. Страв од промени
8. Ниско самопочитување
9. Верување дека личноста која изневерува ќе се промени
10. Напредување во кариерата
11. Верување дека терапијата за парови ќе помогне
12. Страв од осаменост
13. Религиски причини
14. Желба семејството да остане недопрено
15. Надеж дека нема да се случи повторно

Без обѕир дали жената ќе одлучи да остане во неверен и нарушен однос или не, својата одлука не треба да ја оправдува на никој, освен на сопствените деца.

Добронамерните пријатели како и членовите на семејството сигурно на жената ќе и кажат што и зошто би требала да стори, но бидејќи останувањето или заминувањето е комплексна и лична одлука која ќе има долгорочни последици, само жената треба да одлучи за својата судбина.

Ако одлучи да остане, лечењето на раните нема да биде лесно, затоа што тешко ќе може да му одолее на нагонот некако да го казни, но и самата често ќе ја преиспитува својата вредност и самопочитување.

Ако конечната одлука биде заминување, потребно е да си остави доволно време за собирање на скршените парчиња пред подготвено да се упати во потрага по нов партнер.