Секој млад човек со добра финансиска состојба е должен да се ожени, објавила Џејн Остин во 1813 година. Речиси 200 години по излегувањето на "Гордост и предрасуди" работите не се промениле многу...

Во потрага по партнер жените на прво место во својата графа ги ставаат директорите со високи приходи или висок менаџер, според истражувањето, цитирано од "Дејли мејл".

Следните позиции се лекар, ветеринар или стоматолог. На трето место се правниците, потоа наставниците и луѓето со сопствен бизнис.

Пожарникарите, за кои се верува дека се многу посакувани од жените, се наоѓаат на 33-то место од вкупно 79 вклучени професии.

Жените се ипресионираат најмалку на мажи со професиите како библиотекар, цвеќар, возач на камион.

Истражувањето е направено според податоците на сајтот match.com, кој се поддржува од најголемата британска компанија за запознавање преку интернет.

"Успехот е привлечен. Еден маж кога го достига нивото на менаџер, изгледа одговорен, амбициозен и зрел. Тоа се привлечни квалитети за жените кои сакаат решителен и упорен партнер", коментира Кејт Телор од match.com.

Лекарите се привлечни, затоа што комбинираат интелигенција и грижливост со пристојна плата.