Атеистите имаат многу подобар сексуален живот отколку религиозните луѓе кои чувствуваат вина за време на односот дури и со недели после тоа, открија истражувачите...

Студија откри дека неверниците се послободни во дискутирањето на сексуалните фантазии и се многу позадоволни со своите искуства.

Двете групи признаваат дека правеле исти активности како што се мастурбацијата, гледањето порнографија, орален секс и барање афери.

Но, следбениците на некоја религија не уживаат толку многу во искуствата поради стигмата создадена од нивниот систем на верување, открива студијата. Нивната вера ги остава со интензивни чувства на каење по кулминацијата.

Во истражувањето спроведено до психолозите Дерен Реј и Аманда Браун од универзитето Канзас, биле испитувани повеќе од 14.500 луѓе.

Сите испитаници сакале да имаат секс ист број на пати во неделата. Тие исто така станале сексуално активни на слична возраст.

Но, посветените религиозни луѓе го оцениле својот сексуален живот многу пониско од атеистите и признале дека имаат силни чувства на вина.

Религиозните луѓе имале исто толку секс како неверниците, но потоа се чувствувале лошо и често се молеле за прошка.

Заклучокот кој бил изведен од истражувањето бил дека колку се посилни религиозните чувства, толку помоќни се и чувствата на каење.