Научниците наводно ја разрешиле "мистеријата" за женскиот оргазам...

Кога би биле искрени, многу мажи веројатно би признале дека женскиот оргазам за нив е комплетна мистерија. Жените, од друга страна, не би се двоумеле да признаат дека оргазмот може некогаш да биде извор на фрустрација.

Изгледа на тие маки им дошол крајот, бидејќи научниците наводно ја разрешиле мистеријата на женскиот оргазам. Научниците мозокот на сексуално возбудените жени го снимале со скенер, и утврдиле дека за тоа се одговорни различни мозочни региони, во зависност од конкретната ситуација.

Се докажало дека активноста на мозокот се менува во зависност од тоа дали жената е оставена на желби и сексуални фантазии, или ја стимулира партнерот за време на сексот.

Резултатите од две различни истражувања се објавени во магазинот New Scientist. Првото истражување го спровел тим од Америка на чело со д-р Бери Комисарук од универзитетот во Њу Џерси, а резултатите од снимањето со магнетна резонанца покажале дека за време на сексуално возбудување, кај жените се активираат дури 30 региони од мозокот вклучувајќи ги и оние кои го контролираат донесувањето на одлуки и имагинација.

Другото истражување, спроведено во Холандија, покажало дека за време на оргазмот кој жената го постигнува за време на сексот со партнерот, регионите кои ги спомнавме, се исклучуваат.

Заклучокот е дека жените оргазмот во контакт со партнерот го достигнуваат во моментот кога целосно ќе се препуштат, а неможноста да се "исклучат", е вистински проблем во доживувањето на оргазам.

"Оргамот не ја исклучува свеста, но секако ја променува. Луѓето оргазмот често го опишуваат како 'губење на контрола'", вели д-р Јанико Георгијадис од Универзитетот во Гетеборг.

"Женскиот мозок има алтернативни начини за доживување на сексуално задоволство, во зависност од тоа дали е жената во тој момент е сама или со љубовникот", заклучиле научниците.