Искреноста се темели на секоја врска, но некои работи жената мора да ги задржи за себе. Вие можеби ќе се почувствувате подобро ако му кажете некои детали не мислејќи дека со тоа ќе направите проблем, но ако на својот дечко му се доверите дека некогаш сте биле вљубени во пријател со кој и понатаму пиете кафе, тоа би можело да и наштети на вашата идила. Мажите знаат да бидат чувствителни и доколку му откривате детали кои не влијаат на вашата врска, тоа би можело да го направи несигурен, ладен и лут...

Затоа за доброто на вашата заедничка иднина размислувајте двапати пред да почнете да зборувате за поранешните дечковци и други "чувствителни" теми.

1. Секс со поранешниот

Мажите сакаат да мислат дека се најдобри од сите со кои некогаш сте спиеле. Тој не сака да слуша дека вашиот дечко има "поголем" и дека вашиот секс бил сензационален. Тоа би можело да му создаде комплекси и да помисли дека тој никогаш нема да може да ве задоволи.

2. Пријателите во кои сте биле вљубени

Ако и понатаму сте во контакт со тој пријател, во никој случај не треба да му кажете на својот дечко дека некогаш сте биле вљубени во него. Може да стане параноичен секој пат кога ќе посакате со него да отидете на кафе, па дури и може и да побара од вас да не се гледате повеќе со него.

3. Сеуште мислите на поранешниот

Со самиот збор "поранешен", на мажите им се крева косата на главата, а замислете што би се случило на сегашниот партнер тоа му го спомнете, дека сте имале прекрасна врска и добар секс. Што помалку вашиот дечко знае за поранешниот толку подобро. Премногу информации само ќе ја надразнат неговата имагинација, за ваша штета.

4. Загриженост за изгледот

Мажите не ги интересира како нивната партнерка ги отстранува несаканите влакна, со што ги прекрива мозолчињата и што се не прави за да изгледа како што изгледа. Затоа поштедете го со деталите за вашата загриженост за изгледот.