Заљубени погледи, убави зборови и заедничко решавање на проблемите без кавги во долгата врска или во бракот имаат свој рок на траење по кој партнерите почнуваат да се расправаат и се потешко да ги решаваат конфликтите. Партнерите полека се повлекуваат во себе што резултира со исчезнување на интимноста и „убиство“ на врската или бракот...

Се чувствувате ли несакано и непожелно во врската или бракот или пак партнерот се жали за вашето отсутното однесување, можеби би можела да ви се постави дијагноза „анорексија на интимност“.

Американскиот психолог Даглас Вајс со тој термин го опиша повлекувањето на партнерите во себе и избегнување на било каков облик на комуникација со партнерот. Со други зборови, таквата состојба може да се опише како убиец на бракови и врски затоа што партнерите освен на духовно и емотивно ниво, се воздржуваат и на секусално ниво што доведува до целосна отуѓеност.

До овој проблем се доаѓа поради страв од пуштање на партнерот блиску на емотивно ниво и тежнеење или тенденција за контрола и дистанцирање.

Еден од првите знаци на „анорексија на интимноста“ е презафатеноста или пак оптеретеноста со "заниливости" кои на партнерот не му дозволуваат да поминува време дома.

Со премногу зафатеност доаѓаат и критиките и постојаното истакнување на маните на партнерот, префрлување на вината, скратување на сексот и криење на вистинските чувства од партнерот.