Понежниот пол полесно ќе го прегризе јазикот и ќе погледне низ прсти, и често ќе заборави многу нешта кои мажот ги направил, иако не требало да ги направи. Сепак, постојат работи кои кај жените едноставно не поминуваат...

Неверството, заборавената годишнина и задолжителните неделни ручеци кај неговата мајка изгледаат небитно доколку се споредат со влакната во ушите на партнерот или првутот на јаката од скапа темна кошула.
Жените по природа се уредни, се грижат за себе и за својот изглед, користат скапи препарати за што подолго да го задржат младоликиот изглед и се депилираат. Затоа не чуди тоа што истото го очекуваат и од својот избраник.

Влакнестиот грб е едно од нештата кои можат да го расипаат денот, поготово доколку споменатите влакна ѕиркаат од јаката. Жените тоа не го сакаат, знаат дека депилацијата боли, но таа болка тие ја трпат секои десет дена за да бидат убави за своите мажи.

Влакната навистина не се привлечни посебно ако за време на страствен разговор ѕиркаат од носот или се најдат на патот помеѓу ушето на мажот и усните на жената кои се спремаат за бакнежи и шепотења.

Првутот е излечив, можеби бара почесто миење на косата и користење на медицински шампони, но белите трагови можат да бидат отстранети. Нема многу понепривлечни работи од кошула посипана со бели снегулки кои немаат врска со снег.

Бакнежот понекогаш е поинтимен од сексот, но да се бакне некој кој има лоши заби навистина не е секси, ни примамливо. Иако квалитетот на забите зависи од многу фактори, хигиената на усната празнина е задолжителна и тоа од мали нозе и затоа не постои оправдување за жолти заби полни со камен.

Убавите раце се една од најпривлечните работи на мажот, доколку се негувани и чисти, ретко која припадничка на понежниот пол нема во истиот миг да се замисли во нивна прегратка. Но, валканите нокти, изгризените кожички и напукнатата кожа не се привлечни.

Мирисот е еден од критериумите по кој жените ги бираат мажите, но доколку тој мирис е непријатен секако нема да ја привлече, туку ќе ја истера жената.