Женскиот оргазам трае 15 секунди - двапати подолго отколку траењето на оргазмот кај мажите, заклучиле американските експерти и тоа со помош на скенер...

Научниците од Универзитетот Рутгерс во Њу Џерси, спровеле истражување со цел откривање на времетраењето на женски оргазам.

За време на експериментот, тие побарале од жените да мастурбираат и да ги креваат рацете секој пат кога ќе добијат оргазам.

Се случувало на некои од нив за време на една сеанса да ја кренат раката и повеќе пати, и тоа само неколку секунди откако се пријавиле дека доживеале оргазам.

"Така откривме дека брановите на задоволство, кои го обземаат женското тело за време на оргазам, се толку силни што нервниот систем почнува сам автоматски да се исклучува за жените да бидат помалку свесни за болката која се јавува по тој повод", вели водачот на истражувањето, професорот Бери Комисаурук.

Тој исто така објаснил дека оргазмот влијае на дури 30 различни делови од женскиот мозок, а дека меѓу нив се и оние кои се одговорни за емоциите, допирите, уживањето.

Ова истражување, како што велат научниците, ќе им биде од помош во работата со жените кои тешко постигнуваат оргазам или не уживаат во сексот воопшто.