Изненадната и интензивна физичка активност - како што се џогирањето или водењето љубов, значајно го зголемува ризикот од инфаркт, особено кај оние кои не се редовно физички активни, предупредуваат американските експерти од медицинскиот центар во Тафтс, Бостон...

Тие анализирале податоци од четиринаесет студии кои се занимавала со физичките активности и сексот, со ризикот од инфаркт од една, или изненадна срцева смрт од друга страна.

Се покажало дека луѓето се изложени за 3.5 пати поголем ризик од срцев удар за време или некое време по физичката активност, а 2.7 пати изложени за и по сексот.

Овој зголемен ризик е присутен за време од еден до два часа после физичките активност или секс.

Тимот од Бостон нагласува дека тоа не значи дека треба да се воздржуваме од физички активности, туку треба постепено да го зголемуваме интензитетот на таквите активности.

Тие нагласуваат дека некои студии покажале дека редовната физичка активност го намалува ризикот од срцев напад и ненадејна срцева смрт за 30 проценти.

Па, уживајте во сексот, џогирањето, фитнесот...но умерено, ако тоа не е ваша секојдневна активност.