Мажите се склони кон неверство, но зад петиците им се и жените кои според последните истражувања се во предност со неверството. Додека 3% од мажите би ги изневериле своите партнери, дури 5% од жените би изневериле...

Истражувањето покажало дека жените најчесто изневеруваат поради чувството на осаменост, одмазда, его и од страст.

Возбудувањето со непознат маж е тоа што голем број на жени ги тера да го „пробаат“ неверството, а притоа сакаат да проверат дали можат да го скријат истото.

Доколку врската е на несигурни нозе или со своето однесување и разговор не успеале да допрат до партнерот, жените ќе се излажат дека би требало да му покажат на партнерот дека нешто во врската не е како што треба.

Поранешните партнери секогаш се пригодна причина за враќање во минатото. Случајната средба може да заврши како афера, но причината поради прекинувањето секогаш брзо испливува на површината. Сепак, тешко е да им одолеете на поранешните.

Убавите зборови и комплименти исто така се причини поради кои жените се впуштаат во афера. Поради новиот партнер и возбудувањето се чувствуваат пожелно и го добиваат тоа што партнерот не им го пружи.

Осаменоста е исто така една од причините поради која жените изневеруваат. Доколку партнерот често излегува од дома, припадничките на понежниот пол во друг ќе го побараат тоа што им недостига и иако таквата врска ќе започне како емотивна, лесно може да се случи да заврши со секс.

Жените се склони и во потрагата по возбудување. Доколку партнерот не им одговара во сексот или не сака да внесе промени во спалната соба, ќе побараат возбудување и див секс на друго место.

Неверството понекогаш е и начин за излегување од лоша врска или лош брак. На жените им е тешко да го свртат грбот, па го користат неверството како излез затоа што веруваат дека партнерот после тоа ќе ги остави.