Во спортот, како и во сексот вредат некои заеднички правила кои водат до гарантиран успех. Иако во сексуалната игра нема трофеи, а и двете страни се победници, од спортскиот терен можеме да извлечеме корисни совети и да ги примениме меѓу жешките чаршафи...

Без себичност
Нема ништо поздодевно отколку никогаш да не добиете шанса за завршен удар. Важно е да бидете великодушни кон партнерот и да дозволите тој/таа да го добие својот дел од славата. Осигурeте фер игра во која и двајцата ќе уживате.

Поставете цел
Ако нешто ви недостига, направете план и посветете му се. Како што спортистите ја договараат својата стратегија на игра, така и вие треба да разговарате и секој со своите желби да допринесе вашиот тим да го оствари саканиот успех.

Со вежбање до совршенство
Само со пракса се постигнува совршенство, а во случајот на сексуалното усовршување веруваме дека нема да ви падне тешко додатната домашна задача.

Бидете флексибилни
Играта се менува и се развива. Затоа е добро да ја обрнете и да ја разиграте затоа што никогаш не знаете што ве чека, а секогаш може да заврши многу подобро отколку што сте мислеле.

Неуспех, па што?
Сексот понекогаш нема да биде возбудлив и жежок каков што би сакале вие, понекогаш можеби нема да бидете задоволни од својот „настап“ или пак ќе ве разочара вашиот партнер, но во сексот секогаш постои шанса за поправање.

Комуникација
Најдобар партнер е оној кој знае да ја даде вистинската повратна информација или правец. Двете страни имаат корист кога ќе ги изговорат своите желби и потреби. Во овој случај нема тренер кој ја води играта, туку двајцата рамноправни играчи кои ќе ги остават на теренот срцето и душата.