Повеќето парови чувствуваат дека романтиката исчезнала од врската по само три години по нејзиниот почеток...

Стресот од современиот начин на живот значи дека повеќе од било кога партнерите прифаќаат се здраво за готово, се расправаат и губат интерес за сексот. И многу двојки го игнорираат партнерот, за да ги извршуваат своите интереси или земаат самостојни одмори.

Експертот Џуди Џејмс ги споредила долгогодишните со краткотрајните врски.

Таа утврдила дека долгогодишните партнери се расправаат просечно по 2,7 часа неделно, тоа се шест дена конфликти на година, додека неодамнешните парови се расправаат по 1.2 часа во неделата.

Џејмс открила дека 10-те убијци на страста се дебелината на партнерот, стиснатоста, лошата хигиена и антисоцијалното работно време.

Тие следат со недостатокот на романтика, прекумерното пиење, рчењето, лошиот талент на облекување и лошите навики во бањата. Таа открила, дека тензиите се зголемуваат значително со постигнување на границата од 36 месеци.

По тоа време романтичните гестови како вечери надвор, викенди надвор од домот, подароците и цвеќињата значително се намалуваат.

46% од луѓето, чија врска започнала неодамна, добиваат романтични гестови на внимание најмалку два пати месечно во однос на само 15% од паровите, кои ја достигнале тригодишната бариера.

Новите парови вечераат надвор по четири пати во месецот, но по третата година бројот им се намалува на половина. Ситуацијата се влошува уште повеќе по петтата година, кога паровите вечераат надвор само по еднаш на месец.

Новите парови признаваат дека имаат секс најмалку три пати неделно во однос на само 16% од паровите кои се заедно повеќе од три години. Паровите поминуваат заедно помалку време - просечно по 13.9 часа неделно. Една третина од паровите со над тригодишна врска имале најмалку две осамени вечери.