Додека жените беспотребно се оптеретуваат со бројни комплекси врзани со нивното тело, целулитот и вишокот килограми, ниту мажите не се нешто подобри, посебно кога станува збор за нивната сексуалност. Дознајте со кои сексуални комплекси мажите се соочуваат секојдневно...

Баш како и жените, и мажите чувствуваат несигурност во креветот. Не станува збор за нивниот изглед, големината на стомакот или висината, туку способноста да ја задоволат својата партнерка.

Професионалците предупредуваат дека сето тоа е врзано со неискуството и несигурноста. Ова се четирите најголеми сексуални стравови со кои мажите се борат.

1. Споредување
„Дали сум подобар од останатите?“ е прашање на кое голем број мажи секојдневно сакаат да го одговорат. Иако натпреварувањето им е во гените, важно е да знаат дека заљубената жена навистина не размислува на тој начин и дека водењето љубов зависи од чувствата и страстите. Техниката се совладува, посебно кога партнерите се во подолга врска.

2. Љубомора
Тоа што секој маж би требало да го знае е дека неговата партнерка имала живот и пред него. Да се биде љубоморен на поранешните сексуални партнери е доста честа појава, но е навистина непотребна и неоправдана.

3. Доминација
Поголемиот број на мажи смета дека токму тие би требало да ја водат играта. Но, ако сакате навистина да уживате во страста, дозволете и на партнерката да покаже што знае и да ве изненади со интересни работи кои ќе ве доведат до врвот на страста.

4. Големина
Вечен комплекс на речиси секој маж е токму во големината на неговата „гордост“. Вечното натпреварување и споредување почнува уште во училиштето и продолжува во текот на целиот живот. Но, големината не е гаранција за уживање. Распрашајте се за бројните техники на заведување и будење на страста на кои вашата партнерка ќе ви биде и тоа како благодарна.