Мажите со длабок глас и жените кои имаат висок глас ги доживуваме како склони на неверство...

Жените кои имаат висок глас и мажите со длабок глас почесто се одлучуваат на изневерување, соопштиле канадските истражувачи во најновата студија објавена во медицинското списание "Еволутивна психологија".

Испитаниците во студијата слушале две верзии на електронски модифициран машки и женски глас, а анализата од добиените резултати покажала дека жените мислат дека мажот со длабок глас има повеќе можности да биде неверен.

Мажите кои учествувале во истражувањето изјавиле дека жените со висок глас имаат поголеми шанси да ги изневерат партнерите.

Врската меѓу бојата на гласот и неверството се објаснува со хормоните, рекле истражувачите од универзитетот Макмастер во Хамилтон.

"Мажите со високо ниво на тестостерон (машки полов хормон) имаат длабок глас, а жените со високо ниво на естроген (женски полов хормон) имаат висок глас", објаснува д-р Дејвид Фајнберг кој учествувал во истражувањето.

"Неверството има емотивна и финансиска цена, а често доведува до распад на семејството. Поради тоа за време на еволуцијата, научивме како да ги препознаеме потенцијални неверните партнери, и така се развива некој вид на заштитен механизам", рекла д-р Џилијан О'Конор, член на истражувачкиот тим.