Врските во кои жената е попривлечна од мажот, се осудени на неуспех, покажува новото истражување...

За сметка на тоа убавиот сопруг или партнер не е никаква пречка за успехот на двојката, се наведува во истражувањето на британските научници. Тие истражувале дали е точно тврдењето дека луѓето се спојувале со друг човек, кој е исто толку привлечен како нив самите. Откритието објаснува зошто браковите на Анџелина Џоли со актерите Џони Ли Милер и со Били Боб Торнтон траеле само по три години. За сметка на тоа врската со Бред Пит, еден од најубавите познати мажи во светот, трае веќе шест години.

Причината за тоа е дека таа го открила човекот кој и одговара. За целите на истражувањето научниците од универзитетите Стирлинг, Честер и Ливерпул земале фотографии на мажи и на жени од повеќе од 100 двојки.

Некои од нив биле заедно само неколку месеци, а други - неколку години. Потоа мажите и жените биле оценети според нивниот изглед.

Анализата покажала дека попривлечниот сопруг или пријател не е пречка за успехот на врската. Но, ако жената е благословена со привлечна надворешност, врската трае само неколку месеци, се вели во истражувањето.

"Ова покажува дека жената контролира дали врската ќе продолжи или не. Убавите и прекрасни жени може да сватат дека можат да си дозволат да бираат. Покрај тоа тие ја имаат самодовербата да прекинат врска, која е исцрпена. Атрактивните жени сакаат краткотрајни врски. Тие имаат подобри позиции да продолжат напред", смета истражувачот Роб Барис.

Научниците утврдиле, исто така, дека луѓето сакаат да имаат врска со човек, чии црти на лицето имаат ниво на симетрија како нивното.