Многу е тенка границата помеѓу тоа што мажите го сметаа за секси и тоа што порачува: премногу се трудите. Сјај, црвен кармин и мрежести чорапи се само дел од митот за сексипил кои на мажите им се смешни, а не заводливи. За да ги избегнете овие ситуации, важно е да разграничите што е навистина секси, а што баш и не е...

1. Мрежести чорапи
Иако звучи како невистина, но мрежестите чорапи на мажите им изгледаат секси единствено во униформата на француска собарка. Чорапите од овој тип се пренагласени и припадниците на посилниот пол не ја разбираат нивната цел. Ако сакате да го соборите со нога, мини сукната ќе биде сосема доволна.

2. Беспрекорно нанесен црвен кармин
Иако дречливиот црвен кармин е многу секси кога станува збор за состанок со маж кој сакате да го заведете, тој вели: „Види, не чепкај го мојот совршен беспрекорен изглед.“ Сјајот за усни или дречливиот кармин изгледаат многу слатко, но бакнежот со нив баш и не. Мажите не сакаат да јадат кармин и не сакаат да се залепат за вашите усни.

3. Дување во уво
Нема ништо посексипилно од спонтано женско шепотење на уво, но дување во увото со намера за да го возбудите е далеку од пожелно и возбудувачко. Важно правило е да не се обидувате, туку навистина да бидете спонтани.

4. Не носење на долна облека
Тоа е уште еден секси мит кој делува единствно во теорија или на еротски филм. Со не носење на долна облека може да го изненадите партнерот во некоја интимна атмосфера, но самата помисла дека во текот на целиот работен ден не сте носеле гаќички не е баш примамлива. Овој тип на заведување праќа погрешна порака.

5. Сенка со сјај
Ниту еден маж не излегува со жена затоа што ги следи трендовите на шминкање. Иако сјајот е на мода, не претерувајте затоа што мажите тоа навистина не го разбираат, а со самото тоа не го сметаат ни за секси. Нив ги интересира што се наоѓа под силната шминка, затоа бидете умерени.