На почетокот на љубовната врска не се размислува за тоа што ќе биде ако таа не успее...
Не ретко некој влегува во врска со личност која, во случај на прекинување, секојдневно мора да ја гледа. Таквите прекинувања се болни и траат подолго од оние во кои поранешните партнери не мораат да се гледаат.
За прекинување на врската важи онаа народна изрека: далеку од погледот, далеко од срцето. Наспроти тоа, луѓето многу често љубовните партнери ги пронаоѓаат токму на работното место, меѓу оние кои секојдневно ги гледаат.
Кога таа и тој, покрај тоа што се во љубовна врска, се и колеги на работа или имаат семеен бизнис, тоа ја прави нивната врска многу тешка. Причината се двојните улоги: покрај улога која се однесува на приватниот живот во кој таа и тој се маж и жена, односно мајка и татко, постојат и бизнис правила во кои се тие соработници.
За успешно функционира приватното и работното, овој пар мора да ги раздвојува овие улоги. Не смее да ги меша своите односи кои ги имаат како маж и жена со односите кои ги имаат како двајца вработени. Да ги одделуваат емоциите и односите кои се воспоставени помеѓу различните улоги е понекогаш многу тешко.
Кога ќе настане конфликт помеѓу нив како соработници, никогаш не би смееле да дозволат да ја "прелијат" чашата во својот однос како маж и жена. Важи и обратно: ако се во конфликт како љубовни партнери, тоа не би смеело да се одрази на бизнис комуникацијата која ја имаат како вработени.
Уште е потешко да се одржи границата меѓу улогите ако помеѓу рамноправни љубовни партнери, на работа постои надредена и подредена улога.
Доколку тој, како надреден, и нареди нешто на неа со што таа не се согласува, таа може да му одговори или како подредена или жена. Доколку му одговори како жена, таа го негира работниот котекст, така што во конфликтот со шефот постојат конфликти и со мажот.
Овие граници се најтешки за одржување кога во врската и на работата постои спротивна хиерархија. Таа во врската може да биде доминантна бидејќи имаат дефиниција на односот дека таа е дама, а тој џентлмен кој ги задоволува нејзините желби. Наспроти нејзината доминација во врската, тој на работата може да биде доминантен, бидејќи како надреден бара таа да одговара на неговите наредби.
Кога доаѓа до бришење на границите и мешање на улогите, таа ќе се обиде, а тој ќе дозволи таа да доминира и во работниот контекст, што ќе предизвика многу проблеми, вклучувајќи го тоа што тој пред другите вработени и пред клиентите ќе го изгуби својот авторитет на шеф.
