Живеете заедно 14 месеци? Фазата на "меден месец" е завршена и романтиката полека исчезнува од вашиот живот...

По околу 14 месеци, жените полека престануваат да се шминкаат за викендот и се почесто одат по куќата во тренерки кои оддамна ги изгубиле обликот и бојата. Мажите, од друга страна, сабота и недела ја "одмараат брадата" па потоа во понеделник се бричат, пред да почне паниката бидејќи доцнат на работа.

Малку повеќе од една година заеднички живот, се случува и некој од партнерите да влезе во ве-це и да заборави да ја затвори вратата, па уште еднаш и потоа тоа некако станува нормално, и во тој момент медениот месец е дефинитивно завршен.

Во овој период отприлика партнерите престануваат да зборуваат "те сакам" еден на друг, онолку често колку што го правеле тоа на почетокот од врската, покажала анкетата која неодамна била спроведена во Велика Британија, во која учествувале 2.000 парови.

Иако периодот на почетната вљубеност е прекрасен, ако се придржувате до некои основни правила, на убаво однесување, периодот кој што ќе следи, ви донесува нова димензија на блискост.